BİZ və YÜKLƏRİMİZ
Yükümüz nədi? Bu suala cavab vermək elə də asan deyil. Bu yük İlahidən çiyinlərimizə qoyulan və çəkməkdən zövq almalı olduğumuz
yükdən deyil. Bu yük ailənin, cəmiyyətin, toplumun mənəviyyat yaxud vicdan yükü
də deyil.
Bir millət olaraq çiyinlərimizə qoyulmuş yüklərin
ağırlığından irəliyə doğru addım ata bilmirik bu gün. Bütövləşə bilmirik hələ
ki.
Tarixi coğrafiyamızın hər tərəfinə, hər parçası bir
əldə
qalmış yönlərinə səpələnən zərrələrin bir bütöv olması nə qədər vacibdirsə, hər zərrənin ayrı-ayrılıqda öz düşdüyü ortamda çiyninə şələlənmiş yüklərə diqqətlə nəzər salmaq da bir o qədər mühümdür indi. Əfqanıstanda, İranda, İraqda, Suriyada, Türkiyədə, Rusiyada, Gürcüstanda. Və bir də quzey Azərbaycanımızda.
qalmış yönlərinə səpələnən zərrələrin bir bütöv olması nə qədər vacibdirsə, hər zərrənin ayrı-ayrılıqda öz düşdüyü ortamda çiyninə şələlənmiş yüklərə diqqətlə nəzər salmaq da bir o qədər mühümdür indi. Əfqanıstanda, İranda, İraqda, Suriyada, Türkiyədə, Rusiyada, Gürcüstanda. Və bir də quzey Azərbaycanımızda.
Paniranizmə xidmət edən şəriət yükü güneydəki
soydaşlarımızın çiyinlərinə çöküb və onların türk-islam məfkurəli vahid bir
millət kimi bir araya gəlmək prosesində iştirakına əngəldir, bu, bu gün kənardan
apaçıq görünən həqiqətdir. Bəs qalanımız necə?
Dərbənddəki zərrəmizin çiyninə yad qüvvələr hansı
yükü şələləyib? Borçalıdakı zərrəmiz bir bütöv olmaq üçün hansı kənar təsirləri
özündən kənarlaşdırmağa qadirdir? Kərkükdə qalan yanımız nə düşünür? Güneydəki
yarımız ruhən bir bütövə qovuşmaq və ortaq toplumu yenidən ərsəyə gətirmək üçün
nə etməlidir? Quzeydəki zərrəmiz nə fikirdədir?
Sərt külək gələrkən göydəki hava balonunda olanlar
təhlükəni sovuşdurmaq üçün yüklərdən xilas olmağa çalışar. Batmağa həvəsli yaxud
batırılmağa zorlanan gəmidə olan bütöv qorunmaq üçün yüklərini atıb yüngülləşər.
Uzaq yol gedən bir dərviş mənzilbaşına çata bilmək üçün hər fürsətdə artıq yüklərindən
azad olmaq istər...
Zərrələrimizin səpələndiyi hər bir yerdə çiynimizdəki
artıq yüklərdən xilas olmağı düşünmək - bu gün hər şey bundan başlanır...
24/09/2014-cü il.
Комментариев нет:
Отправить комментарий